أحدث_الأخبار
الفنان محمد عبد الجبار يفجر قنبلة غنائية:(انه مو شيوعي) .. !
  • مارس 20, 2022 - 9:37 م
  • 721
حجم الخط

الفنان محمد عبد الجبار يفجر قنبلة غنائية:(انه مو شيوعي) .. !

حيدر الناصري

مرةً أخرى يعود الملحن الرائد، ونجم الاغنية السبعينية، الكبير محسن فرحان، لألحانه المبدعة، وهذه المرة بالتعاون مع الشاعر الغنائي الكبير فالح حسون الدراجي، ليضيفا الى سجل اغاني المبدع محمد عبد الجبار، اغنية وطنية بذكرى تأسيس الحزب الشيوعي العراقي، حيث وجد هذا التعاون المشترك ايقونة جمالية في هذا الحدث السياسي النوعي في تاريخ العراق الحديث، حيث ولدت قبل اكثر 88 عاما، اولى القوى السياسية الطبقية الوطنية الشعبية.

نعم، في كل آذار، ومنذ سنوات بعيدة، إعتاد الشاعر فالح حسون الدراجي على إستقبال مولد الحزب  الشيوعي العراقي بأغنية جديدة.. حيث يكون آذار على موعد مع الشيوعيين  وأصدقائهم بنص جديد يكتبه الدراجي، مع ملحن ومطرب مختلفين عن ملحن ومطرب العام الماضي.. وهكذا هذه السنة يتحفنا (أبو حسون) بلوحة غنائية مختلفة، في النص، وفي هوية المطرب ، والملحن أيضاً.

فالنص الأيقوني لهذا العام جاء على لسان الناس التي اقتربت نزاهة ونظافة وعلو كعب هذا الحزب الطليعي في المواقف المشهودة، ولذا جاءت كلمات الدراجي لتقول على لساننا جميعاً :

آني مو شيوعي .. واريد أحچي الحقيقة

شفت بس الشيوعي .. الشمس عشگت طريقه

شفت إيده شريفه

ونفسه إشگد عفيفه

مثل وردة الشيوعي .. عطرها بكل حديقة

————————

يلمصادق شيوعي .. أحلفك بالصداقة ..

شفت مثل الشيوعي .. وفي يصون العلاقة؟

غمض وإمشي وياه

أمانة وشرف ممشاه

يگطعونه الشيوعي .. ولا ينطي بصديقه  ..

—————————-

إسأل أي عراقي .. وروح لأي قصيدة

واخذ راي الشواطي .. والبيوت البعيدة ..

إبحث في الأماني

وگلب بالأغاني

گمر تلگه الشيوعي

وعالي يظل بريقه

——————————

آني مو شيوعي .. لكن گلبي حبهم ..

وملايين الشغيلة .. عشگ عشگت دربهم ..

آني وگبلي هواي

وإبني وياي بالراي

حفيدي البعده ما جاي

يجي ويندل طريقه

آني مو شيوعي .. واريد أحچي الحقيقة

شفت بس الشيوعي .. الشمس تمشي بطريقه

آني مو شيوعي .. واريد أحچي الحقيقة

شفت بس الشيوعي شمس حمرة بطريقه

مواضيع قد تعجبك
Subscribe
نبّهني عن
guest
0 تعليقات
Inline Feedbacks
View all comments